4) மெளரிய பேரரசு - அசோகருக்கு பின்னர்

-

மெளரிய பேரரசு (அசோகருக்கு பின்னர்) :

தசரத மெளரியர் :

ஆட்சிக்காலம் : (கி.மு.232-224)

அசோகருக்கு பின்னர் ஆட்சிக்கு வந்த இவர் அசோகரின் பேரன். அசோகரின் மறைவுக்கு பின்னர் பேரரசை பேரன் தசரதனும் மகன் குணாளனும் பிரித்து கொண்டனர் என்று ஒரு குறிப்பும் இன்னொரு குறிப்பு தசரதனும் குணாளனின் (இவர் அசோகரின் 5வது மனைவி திவ்யரக்ஸாவினால் கண்பார்வை பறிக்கப்பட்டவர்) மகனான சம்பிரதியும் பிரித்து கொண்டனர் என்றும் குறிப்புகள் கூறுகின்றன. தசரதன் பாடலிபுத்திரத்தை தலைநகராக வடக்கு மற்றும் கிழக்கு மெளரிய பேரரசையும் சம்பிரதி உஜ்ஜைன் நகரை தலைநகராகக் கொண்டு மேற்கு மற்றும் தெற்கு மெளரிய பேரரசை ஆண்டனர். இவர் புத்த மதத்தை பின்பற்றியவர். இவரது காலத்தில் மெளரிய பேரரசின் தென் பகுதியை சாதவாகனர்கள் கைப்பற்றினர். கிழக்கு பகுதிகளை கலிங்கத்தின் மகாமேகவாகன் வம்சத்தினர் கைப்பற்றி ஆண்டனர். இவர் ஆட்சியில் ஆந்திரா மற்றும் மைசூர் ராஜ்ஜியங்கள் தன்னாட்சியுடன் பேரரசில் இருந்து விடுபட்டது. பேரரசின் தொலைதூர பகுதிகளை தசரத மெளரியரால் தக்க வைக்க முடியவில்லை.

சம்பிரதி :

ஆட்சிக்காலம் : (கி.மு.224-215)

இவர் அசோகரின் மகனான குணாளனின் மகன். தசரத மெளரியருக்கு பின்னர் மெளரிய அரியணை ஏறினார். தந்தை குணாளரின் கண்கள் குருடாக்கப்பட்டவுடன் அவர் அரியணை ஏற முடியாமல் போகவே அவர் தன் மகன் சம்பிரதியுடன் உஜ்ஜைன் சென்று வசித்தார். அசோகரை பாடலிபுத்திரம் சென்று சந்தித்த இவர் அரியணை உரிமை கோரவே அசோகர் தனக்கு பிறகு தசரத மெளரியர் என்றும் அவருக்கு பிறகு சம்பிரிதியே அடுத்த மெளரிய அரசன் என உறுதியளித்ததாகவும் அதனால் தசரத மெளரியர் கி.மு.224 ல் மரணமடைந்தவுடன் சம்பிரதிக்கு மெளரிய அரியணை கிட்டியது. இவர் சமண மதத்தை பின்பற்றினார். பாடலிபுத்திரம் மற்றும் உஜ்ஜைன் என இரண்டு தலைநகரங்கள் இவரது ஆட்சியில் இருந்தது. மீண்டும் ஆந்திரா மற்றும் மைசூர் ராஜ்ஜியங்களை வென்று பேரரசில் இணைத்தார்.

சாலிசுகா மெளரியன் :
ஆட்சிக்காலம் : (கி.மு.215-202)

சம்பிரதிக்கு பின்னர் ஆட்சியேறிய இவர் அவரின் மகன். இவரது காலத்தில் மெளரிய பேரரசு வீழச்சியடைய ஆரம்பித்தது. இவர் தந்தையை போல சமண மதத்தை பின்பற்றினார்.

தேவ வர்மன் (தேவதர்மன்) :

ஆட்சிக்காலம் : (கி.மு.202-195)

சாலிசுகாவுக்கு பின்னர் வீழ்ச்சியடைந்து கொண்டிருந்த மெளரிய பேரரசின் 7வது மன்னனாக ஆட்சிக்கு ஏறிய இவர் 7 வருடங்கள் ஆட்சி புரிந்தார். இவர் புத்த மதத்தை பின்பற்றினார்.

சத்தாதன்வன் :

ஆட்சிக்காலம் : (கி.மு.195-187)

தேவவர்மனுக்கு பின்னர் 8வது மெளரிய அரசராக அரியணை ஏறினார். வலிமை குன்றிய மெளரிய பேரரசை அண்டை நாட்டு அரசர்கள் தொடர்ந்து படையெடுத்து பேரரசின் பகுதிகளை பிடிக்கவே கடைசியில் இவர் ஆட்சியில் மகதம் (தற்கால பீகார்) மட்டுமே எஞ்சியது. 

பிரகத்திர மெளரியன் :

ஆட்சிக்காலம் : (கி.மு.187-180)

சத்தாதன்வனுக்கு பிறகு அவரது மகனான இவர் 9வது மற்றும் கடைசி மெளரிய அரசராக பட்டத்திற்கு வந்தார்.இவரது காலத்தில் மெளரிய பேரரசு மகதம் என்ற அளவிலிருந்து சுருங்கி வெறும் பாடலிபுத்திரம் என்றாகிவிட்டது. இவரை இவரின் படை தளபதியான புஷ்யமித்திர சுங்கன் என்பவர் கொன்று மகத நாட்டில் சுங்க வம்சத்து ஆட்சியை ஆரம்பித்து வைத்தார். இந்த நிகழ்வுகள் பாணபட்டர் எழுதிய ஹர்ச  சரித்திரம் நூலில் குறிப்பிடப்பட்டுள்ளது. 

உதவிய நூல்கள் :

அசோகர்  மெளரிய சிங்கம் - அசோக் கே.பேங்கர்

அசோகனின் காதலி - அரு.ராமநாதன்

அசோகர் - வின்ஸென்ட் ஸ்மித்

விக்கிபீடியா பிரிட்டானிகா தகவல்கள்

Comments

Post a Comment

Popular posts from this blog

70) மொகலாய பேரரசு - அக்பர்

-
Image
ஜ‌லாலுதீன் முகம்மது அக்பர் (கி.பி.1542-1605) ஆட்சி: கி.பி.1556-1605 மொகலாய மன்னர்களுள் பேரரசர் என்று சொன்னால் எல்லோர் விரலும் அக்பரின் திசையை நோக்கியே சொல்லும். அக்பர் என்ற சொல்லுக்கு "மிகப்பெரியன்" என்று அர்த்தம். பிறந்தவுடன் இவர் ஜாதகத்தை குறித்த இவரின் தந்தை ஹீமாயூன் இவர் மிகப்பெரிய பேரரசராக வருவார் என்றதால் முதலில் வைத்த பெயரை மாற்றி அக்பர் என்று பெயரிட்டார். இவரின் தந்தை ஹீமாயூன் இறக்கும் போது இவருக்கு வயது 13 தான். அப்போது பதவியில் அமர்ந்த அக்பர் 49 ஆண்டுகள் டெல்லியை ஆண்டு மொகலாய பேரரசின் பலமான அஸ்திவாரத்தை இட்டு சென்றார். இவரின் சிந்தனைகள் தான் இந்து-முஸ்ஸீம் மத நல்லிணக்கத்துக்கு ஆரம்பப்புள்ளியாக இருந்தது. மதுராவுக்கு சென்ற சமயத்தில் (அப்போது அவருக்கு வயது 18) இந்துக்களின் திருவிழாவுக்கு ஜிஸியா வரி விதிப்பதையும் கண்டு கொதித்து அவ்வரியை ரத்து செய்தார். வரியை ரத்து செய்த திருப்தியில் மதுராவிலிருந்து ஆக்ராவுக்கு நடந்தே வந்து சேர்ந்தார். இவருடன் நடக்க ஆரம்பித்தவர்கள் கடைசியில் மூன்று பேர் தான் 36 மைல் தூரத்தினை கடந்து ஆக்ராவுக்கு வந்து சேர்ந்தனர்‌. வயதான இந்துக்களுக்கு இரு...
Read more

1) மெளரிய பேரரசு - சாணக்யர்

-
Image
சாணக்கியர் : (கி.மு.350 - கி.மு.275) இந்தி ய சரித்திரத்தை பற்றி பேசினாலே சாணக்யரை தவிர்த்துவிட்டு பே சமுடியாது. அர்த்த சாஸ்திரம் என்ற நூலை எழுதிய இராஜதந்திரங்களை மற்றவர்களுக்கு கற்றுக்கொடுத்தவர் அல்லவா? சாணக்யர் என்றால் எல்லோருக்கும் தெரியும். ஆனால் அவரின் இயற்பெயர் விஷ்ணு குப்தர் என்பது எத்தனை பேருக்கு தெரியும்னு என்று தெரியவில்லை. கெளடில்யர் என்றும் அழைப்பார்கள். தென்னிந்தியாவில் குறிப்பாக கேரளத்தை சேர்ந்த விஷ்ணு குப்தர் நாளந்தா பல்கலைகழகத்தில் படிப்பை படிக்க வந்து பாடலிபுத்திரம் (இன்றைய பாட்னா) வந்து சேர்ந்தார். நந்தர்கள் வம்சத்தின் கடைசி அரசனான தனநந்தன் அரசவையில் சேர்ந்தார்.  நந்தர்கள் அதாவது தனநந்தனின் தந்தை எப்படி ஆட்சியை பிடித்தார் என்பது கேவலமான ஒன்று. மகாராணியின் கள்ளக்காதலனாக இருந்து மகாராஜாவை கொன்று ஆட்சியில் அமர்ந்தவர் தனநந்தனின் தந்தை.  தனநந்தனின் ஆட்சியும் கொடுங்கோல் ஆட்சியே. மக்களை வாட்டி வைக்கவும் வரிகளை அதிகப்படுத்தினார். இந்த சமயத்தில்  அவரிடம் வந்து வேலைக்கு அமர்ந்த விஷ்ணுகுப்த கெளடில்யரை விருந்துக்கு அழைத்து குடுமியை பிடித்து இழுத்து வெளியே தள்ளி அவமா...
Read more

25) மைத்ரகா அரசு

-
Image
மைத்ரகா அரசர்கள் (கி.பி.493-776) இன்றைய செளராஷ்டிராவை ஆண்டவர்கள். குப்தர்களின் கீழ் சேனாதிபதியாக அந்த பகுதியை நிர்வகித்துட்டு இருந்தவரான  பத்தர்கா குப்த பேரரசு கலகலத்தவுடன் தனியாக சுயாட்சி கி.பி.475ல் அறிவித்தார். அவரும் அவருக்கு பின் வந்த முதலாம் தரசேனா இவரும் சேனாதிபதி பட்டத்தை மட்டும் வைத்திருந்தனர். பத்தர்காவுக்கு 4 மகன்கள். இரண்டாவது மகனான துரோணசிம்மா தன்னை மஹாராஜா என்று அறிவித்துவிட்டு ஆட்சி புரிந்தார். ஆரம்பத்தில் ஆராய்ச்சியாளர்களுக்கு பெரிய குழப்பம். மைத்ரகா என்பவர் பத்தர்காவை வென்று ஆட்சிபுரிந்தாரா என்று. செப்பு தகட்டுகளில் மைத்ரகா என்று பெயர் இருப்பதால் அவர்கள் வெளியில் இருந்து வந்து பத்தர்காவை வென்று ஆட்சியை பிடித்தவர்களா என்று சந்தேகமும் இருந்தது. பிறகு மைத்ரா என்றால் சூரியன். இவர்கள் சூரிய குலத்தவர்கள் என்பதால் தங்களை அவ்வாறு அழைத்துக் கொண்டனர் என்று புலனாகிற்று. பத்தர்கா (கி.பி.475-493) : குப்தர்கள் ஆட்சியில் செளராஷ்டிரா பகுதிக்கு ராணுவ ஆளுநராக இருந்தவர். குப்த பேரரசு கலகலத்தவுடன் தன்னை சுயாட்சி பெற்ற சேனாதிபதியாக அறிவித்துவிட்டு ஆட்சியை ஆரம்பித்தார். இவர் சைவத்தை பின...
Read more